- Detalles
Ante a situación meteorolóxica de alerta laranxa en toda a provincia da Coruña e grande parte do país, e vermella no litoral, decidimos SUSPENDER a concentración que mañá xoves día 2 de novembro, íase celebrar ás 11:00 en San Caetano.
Xa que á concentración acudirían compañeiras/os de todo o país, por prudencia é mellor non realizar desprazamentos.
Continúan adiante as asembleas programadas para a seguinte semana e retomaremos a mobilización en canto sexa posible.
Desculpade as molestias.
+ Promocións internas anuais
+ Concursos permanentes
35 horas
- Detalles
Función Pública vén de convocarnos a unha Mesa Xeral para o vindeiro venres 3 de novembro no que se tratarán os seguintes asuntos:
- DECRETO XXX ... /2023, do de , polo que se aproba a oferta de emprego público correspondente a prazas de persoal funcionario e laboral da Administración Xeral e das entidades instrumentais do sector público autonómico da Comunidade Autónoma de Galicia para o ano 2023. Descarga o borrador.
- Resolución do XX de XXX de 2023 da Dirección Xeral da Función Pública pola que se procede á apertura do prazo para solicitar a participación nos procesos de funcionarización polo persoal laboral fixo que se atope en situación de excedencia voluntaria, excedencia voluntaria por incompatibilidade ou por prestación de servizos noutra Administración pública e se aproba e se dá publicidade ao modelo de solicitude de participación (código de procedemento XXXX). Descarga o borrador.
- Resolución do XX de XXX de 2023 pola que se convoca o proceso para a adquisición da condición de persoal funcionario de carreira do corpo superior da Administración xeral e corpo facultativo superior da Administración especial da Comunidade Autónoma de Galicia, subgrupo A1, do persoal laboral fixo de diversas categorías e postos pertencentes ao Grupo I, do V convenio colectivo do persoal laboral da Xunta de Galicia, mediante o seu cambio de vínculo xurídico. Descarga o borrador.
- Resolución do XX de XXX de 2023 pola que se convoca o proceso para a adquisición da condición de persoal funcionario de carreira do corpo de xestión da Administración xeral e corpo facultativo de grao medio da Administración especial da Comunidade Autónoma de Galicia, subgrupo A2, do persoal laboral fixo de diversas categorías e postos pertencentes ao Grupo II, do V convenio colectivo do persoal laboral da Xunta de Galicia, mediante o seu cambio de vínculo xurídico. Descarga o borrador.
- Resolución do XX de XXX de 2023 pola que se convoca o proceso para a adquisición da condición de persoal funcionario de carreira do corpo administrativo da Administración xeral, subgrupo C1, e do corpo de técnicos de carácter facultativo da Administración especial, grupo B, do persoal laboral fixo de diversas categorías e postos pertencentes ao Grupo III, do V convenio colectivo do persoal laboral da Xunta de Galicia, mediante o seu cambio de vínculo xurídico. Descarga o borrador.
- Resolución do XX de XXX de 2023 pola que se convoca o proceso para a adquisición da condición de persoal funcionario de carreira do corpo auxiliar da Administración xeral e do corpo de auxiliares de carácter técnico de Administración especial, subgrupo C2, do persoal laboral fixo de diversas categorías e postos pertencentes ao Grupo IV e V, do V convenio colectivo do persoal laboral da Xunta de Galicia, mediante o seu cambio de vínculo xurídico. Descarga o borrador.
- Resolución do XX de XXX de 2023 pola que se convoca o proceso para a adquisición da condición de persoal funcionario de carreira da agrupación profesional de persoal funcionario do persoal laboral fixo de diversas categorías e postos pertencentes ao Grupo V, do V convenio colectivo do persoal laboral da Xunta de Galicia, mediante o seu cambio de vínculo xurídico. Descarga o borrador.
- Detalles
Función Pública vén de remitirnos o buzón de postos que se ofertarán nun vindeiro concurso de traslados para a provisión de postos de traballo vacantes das escalas do Servizo de Prevención e Defensa contra Incendios Forestais.
O prazo para facer alegacións rematará o vindeiro luns 6 de novembro de 2023. Descarga o buzón de postos. Se tes algo que comentar, contacta coa CIG.
- Detalles
Función Pública envíanos o borrador do Decreto polo que se aproba a oferta de emprego público con anexo correspondente a prazas de persoal funcionario e laboral da Administración Xeral e das entidades instrumentais do sector público autonómico da Comunidade Autónoma de Galicia para o ano 2023.
Pódelo descargar AQUÍ.
O prazo para alegacións é ata xoves 2 de novembro ás 14:00 horas. Se tes algo que comentar, contacta coa CIG.
- Detalles
O luns 30 de outubro houbo Mesa Sectorial de Funcionarios para negociar as bases da convocatoria do concurso-oposición de axentes técnicos ambientais.
Destacamos:
• Recolleron moitas alegacións como valorar o tempo traballado en C2 e C1, pero quedan cousas sen resolver polo que teremos unha nova reunión e o período de alegacións é ata o xoves 2 ás 14:00 horas.
• Van sumar a esta convocatoria ás 40 prazas que van propostas para a OEP 2023, chegando a un total de 96 prazas.
• Solicitamos que valoren aumentar a fase de concurso nas prazas de estabilización chegando a 60-40 na vez dos 80-20 actuais xa que se negaron a meter as prazas a estabilizar a través da DA 8ª da lei 20/2021.
• A Dirección Xeral de Función Pública di que o asunto do grupo B “agora non toca”. E aínda que se convocan ao B se fai rebaixando ao C1. A partir de aquí xorden varias incongruencias difíciles de respostar, como quen se pode presentar a promoción interna?
E as persoas que agora aproben vanse ter que volver presentar a outro proceso cando se active o B?
Solicitamos ordenar todo e xa de paso que introduzan na oferta de 2023 a promoción interna separada comprometida no Acordo de 2016.
Tamén nos anuncia un concurso de traslados de axentes para xa. Irá coas bases xerais que se están negociando e de forma separada ao de corpos especiais tradicionais.
- Detalles
Función Pública envíanos borradores das convocatorias da promoción interna dos seguintes corpos:
- Corpo superior (subgrupo A1)
- Corpo de xestión (subgrupo A2)
- Corpo administrativo (subgrupo C1)
- Corpo auxiliar (subgrupo C2)
O prazo de alegacións é ata o día 6 de novembro ás 14:00 horas. Se tes algo que comentar, contacta coa CIG.
- Detalles
Despois de ter anunciado mobilizacións PARA ESTE XOVES DIA 2 diante de San Caetano, e de realizar as primeiras asembleas en Vigo, Pontevedra e Ourense, a Xunta accede a convocar parte da promoción interna das ofertas de emprego de 2020, 2021 obviando sumar a do 2022.
Un total de 585 prazas das ofertas de dous anos que hoxe aínda estaban sen convocar e das que adiaba dar resposta. A Xunta de Rueda esta xogando coas expectativas, o tempo e os cartos do persoal que estaba mes a mes pagando academias e estudando sen un horizonte claro.
Pero para a CIG, non é suficiente. Unha vez posta en marcha a maquinaria, non hai ningún esforzo adicional en convocar as prazas das tres OEP´s no canto de convocar só as de 2020 e 2021. E esiximos que non se limiten só ás promocións internas de corpos xerais e que convoquen a das escalas e corpos especiais separadas.
En relación ás bases, dende a CIG queremos facer fincapé na necesidade de cambio do modelo de promoción, especialmente grave no caso do acceso ao corpo auxiliar (subgrupo C2), pois demóstrase o actual como un fracaso.
En pleno 2023 non podemos admitir que sexa máis doado aprobar unha oposición dende fora que dende dentro da casa.
Imos seguir esixíndolle ao candidato Rueda que adopte decisións e se faga valer ante un director xeral que está a pasmala, e por iso facemos un chamamento a que te unas á concentración convocada as 11 diante do edificio da Xunta en San Caetano.
Polas 35 horas, as promocións internas anuais e os concursos permanentes, XA!!!
| PROMOCIÓN INTERNA A CONVOCAR | |||
| OEP 2020 | OEP 2021 | TOTAL | |
| Corpo superior (subgrupo A1) | 20 | 10 | 30 |
| Corpo xestión (subgrupo A2) | 100 | 85 | 185 |
| Corpo administrativo (subgrupo C1) | 150 | 90 | 240 |
| Corpo auxiliar (subgrupo C2) | 50 | 80 | 130 |
| TOTAL | 320 | 265 | 585 |
| PROMOCIÓN INTERNA NON CONVOCADA | |||
| Administración xeral | OEP 2021 | OEP 2022 | TOTAL |
| Corpo superior (subgrupo A1) | 20 | 20 | |
| Escala de sistemas e tecnoloxía da información (subgrupo A1) | 8 | 8 | |
| Escala superior de finanzas (subgrupo A1) | 8 | 8 | |
| Corpo xestión (subgrupo A2) | 90 | 90 | |
| Escala de xestión de sistemas de informática (subgrupo A2) | 8 | 8 | |
| Escala de inspectoras e inspectores de consumo (subgrupo A2) | 2 | 2* | |
| Corpo administrativo (subgrupo C1) | 182 | 182 | |
| Corpo auxiliar (subgrupo C2) | 65 | 65 | |
| Escala de persoal de servizos xerais (PSX) | 65 | 65 | |
| Administración especial | |||
| Corpo facultativo superior (subgrupo A1) | |||
| Escala de enxeñeiros (subgrupo A1) | |||
| Especialidade de enxeñaría agronómica | 10 | 10 | |
| Especialidade de enxeñaría de montes | 10 | 10 | |
| Especialidade de enxeñaría industrial | 2 | 2 | |
| Especialidade de enxeñaría de minas | 2 | 2 | |
| Corpo facultativo de grao medio (subgrupo A2) | |||
| Escala de enxeñeiros técnicos (subgrupo A2) | |||
| Especialidade de enxeñaría técnica agrícola | 2 | 2 | |
| Especialidade de enxeñaría técnica forestal | 2 | 2 | |
| TOTAL | 54 | 422 | 476 |
*Na escala de inspectoras e inspectores de consumo habería que sumar 2 prazas máis da OEP 2019.
- Detalles
No DOG do 30/10/2023 publican a RESOLUCIÓN do 20 de outubro de 2023, da Dirección Xeral da Función Pública, pola que se fai pública a actualización definitiva de méritos correspondente ao ano 2022 das listas para o desempeño con carácter transitorio de prazas reservadas a persoal funcionario e a contratación temporal de persoal laboral da Xunta de Galiza.
Publican a actualización definitiva de méritos correspondentes ao ano 2022 dos integrantes das listas para o desempeño con carácter transitorio de prazas reservadas a persoal funcionario dos corpos, escalas e especialidades que se especifican no anexo I desta resolución e a persoal laboral dos grupos e categorías que se determinan no anexo II.
As puntuacións totais das persoas integrantes das listas poderán consultarse no portal web corporativo da Xunta de Galiza https://funcionpublica.xunta.gal, epígrafe de listas de contratación.
As listas entrarán en vigor a partir do día seguinte ao da publicación desta resolución no Diario Oficial de Galiza.
- Detalles
Función Pública vén de remitirnos a proposta de OEP 2023 correspondente a prazas de persoal funcionario e laboral da Administración Xeral e das entidades instumentais do sector público autonómico.
Para seguir a tradición dos últimos anos, na documentación falta o anexo de postos. Interpelada Función Pública polo tema, "enviarano entre mañá ou luns" Barreiro dixit.
Alegacions ata o vindeiro 31 de outubro ás 14:00 horas. Se tes algo que comentar, contacta coa CIG. Descarga a proposta.
- Detalles
O vindeiro luns 30/10/2023 estamos convocados a unha Comisión de Persoal onde se someterán a votación:
1. Modificación da RPT de Política Social e Xuventude. Descargar.
2. Proxecto de Orde pola que se regulan o contido, uso e acceso ao expediente persoal electrónico do persoal empregado público da Administración Xeral da Comunidade Autonóma de Galicia e das súas entidades públicas instrumentais. Descargar.
A documentación é a mesma que enviaron para a Mesa Xeral de Negociación de mañá 27 de outubro, o que amosa que o concepto de negociación para esta Administración quédase nun brindis ao sol.