- Detalles
Comezado o curso escolar seguimos a recibir multitude de preguntas sobre os dereitos de conciliación na Administración da Xunta de Galiza.
Nin a Lei de igualdade galega nin o I Plan de Igualdade da Xunta de Galiza traen melloras directas para o persoal empregado público desta Administración con respecto á lexislación básica do estado español, limitándose como moito a traspoñela. Aínda así hai consellerías que seguen a dificultar os dereitos de conciliación ao persoal a quendas e ao de centros periféricos.
Dereitos de conciliación por fillos menores, de 12 ou de 18 anos?
A Lei do impulso demográfico, na súa disposición final sexta, modifica a Lei de emprego público de Galiza de forma que, o persoal ten dereito á flexibilidade horaria por motivos de conciliación tamén cando ten fillos menores de idade. É dicir, que a flexibilidade estenderíase ata os 18 anos. Algunhas consellerías xa o aplican, pero outras négano á espera dun desenvolvemento regulamentario que leva anos de atraso.
A inacción da Xunta é insostible, temos poucos dereitos de conciliación e a proposta da Administración -que primeiro enviou para negociar e despois paralizou sine die- o que fai é limitar dereitos e impor tramos de preferencias.
A conclusión é que aos empregados e empregadas públicas moitas veces non nos queda outra que acudir á xustiza para que se recoñezan os nosos dereitos na conciliación.
Se é o teu caso, ponte en contacto coa CIG, LOITAREMOS CONTIGO!
Os dereitos de conciliación (na normativa da nosa Administración ou na de aplicación subsidiaria)
FLEXIBILIDADE, CONCRECIÓN HORARIA E PERMISOS
Na solicitude de flexibilidade dos postos administrativos esíxenche pór un horario de presenza obrigada, o que en moitos centros é o mesmo que a atención ao público. Con isto, na práctica é como se cha denegasen. Tampouco entendemos como o persoal a quendas (que o tería mais doado ao ter un maior rango horario) ten que sufrir denegacións automáticas.
Compre afianzar os dereitos de conciliación para non vinculalos ás necesidades do servizo fortalecendo os cadros de persoal e buscando fórmulas organizativas que garantan esta protección social.
- Conciliación con flexibilidade horaria. Dende a entrada en vigor da Lei de igualdade do estado español que se traspuxo finalmente a nosa Lei 2/2015, de 29 de abril, de emprego público de Galiza (art. 106.4), non necesitarías reducir a túa xornada para conseguir unha concreción horaria por conciliación. Porén, hai centros de atención, persoal a quendas ao que denegan a concreción por sistema, e se temos présa non queda outra que ir a redución de xornada (que en moitos casos produce máis desaxuste nos centros e afonda na precariedade ao termos persoal substituto de dúas horas). A solución sería ampliar os cadros de persoal para que haxa abondo para cubrir incidencias e as reducións e buscar fórmulas organizativas que permitan respectar o dereito de conciliar sen reducir.
- Permisos de maternidade e asimilados: 22 semanas, mais dúas semanas adicionais nos casos de discapacidade, por cada filla/o en parto múltiple, e até o límite de 13 semanas no caso de nacemento de filla/o con hospitalización da crianza. Se a filiación da outra persoa proxenitora non está determinada, a persoa proxenitora ten dereito a acumular ás 16 semanas do outro proxenitor.
- Permiso por nacemento para o outro proxenitor/a distinta/o da nai biolóxica, de 16 semanas (recentemente coa CIG gañamos unha sentenza polas semanas adicionais até igualar o permiso da nai biolóxica).
- Accidente grave, enfermidade grave, hospitalización ou intervención cirúrxica que precise repouso domiciliario dun/dunha familiar ou persoa convivinte en primeiro grao: 5 días; segundo grao: 4 días; sen ter en conta a localidade.
- Falecemento de familiar en primeiro grao: 3 ou 5 días hábiles se é na mesma ou distinta localidade. Segundo grao: 2 ou 4 días hábiles se é na mesma ou distinta localidade.
- Permisos para acompañamento de fillo/a ou maior dependente.
- Permiso parental de 8 semanas ao ano para o coidado de menores (pódese coller por horas soltas). Pendente de desenvolvemento regulamentario.
- Permiso por deber inescusable relacionado coa conciliación da vida persoal e familiar.
- Licenza para supostos de hospitalización prolongada, de até 1 mes, sen retribucións.
- Permiso por violencia de xénero, polo tempo necesario; retribuído.
- Accidente ou enfermidade moi graves (do cónxuxe, parella, fillo/a ou familiar de 1º grao): 30 días naturais, retribuídos.
- Lactación: 1 hora diaria. Pode dividirse en dúas fraccións de media hora ou acumularse (150 horas por cada fillo/a en xornadas completas, consecutivas ou non).
- Permiso por matrimonio ou unión de feito: 15 días.
- Vacacións. Tes preferencia a hora de escoller o período de vacacións se o teu fillo/a/s ten menos de 12 anos.
REDUCIÓNS DE XORNADA
Durante os tres primeiros anos, a Seguridade Social considera o 100% para o cálculo das súas prestacións de morte e supervivencia, maternidade e paternidade, desemprego e xubilacións, pero non para as bases de cotización para IT.
- Por garda legal para o coidado directo dun/ha menor de 12 anos ou persoa maior ou con discapacidade (até 4 horas).
- Por coidado de familiar de cónxuxe ou familiar 1º grao por enfermidade moi grave (até 3 horas).
- Por coidado dunha filla/o menor que padeza cancro ou enfermidade grave (até 4 horas).
- Por nacemento de fillas/os que teñen que permanecer hospitalizadas/os: 2 horas diarias, retribuídas.
- Por violencia de xénero (redución diaria por horas completas polo tempo necesario). Con redución proporcional das retribucións agás cando reduza a súa xornada nun terzo ou menos (que entón será retribuido).
SERVIZOS COMPLEMENTARIOS QUE FACILITAN A CONCILIACIÓN
Fóra da nosa Administración, son moitos os convenios e centros de traballo que recollen medidas específicas que facilitan a conciliación laboral, persoal e familiar. O servizo de comedor e cafetería, a sala de xantar, o dereito a comedor cando no teu centro se preparan comidas para as persoas usuarias ou se coincide dentro do horario laboral (recortado no 2012), a sala de lactación, escola infantil propia ou preferencia de proximidade e de centro de dia para os nosos maiores a cargo, espazos de descanso e hixiene para as gardas, traballos nocturnos e a quendas, etc.
O que non é xusto é que, o que noutras comunidades autónomas é normal (e mesmo obrigatorio), na Administración Galega temos que loitar cada avance e batallalo para non recuar.
- Detalles
A Consellería de Política Social e Xuventude convocounos a unha xuntanza para o día 14 de setembro, para tratar unha proposta de modificación da súa relación de postos de traballo (RPT). Esta proposta ven motivada pola sentenza que anula unha anterior modificación da RPT tras o contencioso presentado pola CIG. Se é do teu interese, aquí tes a súa proposta: descargar.
- Detalles
A Vicepresidencia 1ª e Consellería de Presidencia, Xustiza e Deportes, quere modificar os seis postos de "Secretario/a territorial" (delegacións das catro provincias máis Vigo e Ferrol) para permitir que sexan cubertos por persoal docente ou sanitario.
Estes postos, de libre designación e nivel 30, actualmente están reservados a persoal funcionario do subgrupo A1 de calquera administración autonómica, estado, local e xustiza. Pero non lles chega, e agora queren abrilos a persoal docente e sanitario.
Na nosa Administración Autonómica temos 3.052 postos de subgrupo A1, dos que 936 xa son de nivel 30, 28A ou 28B; polo que nos quedan outros 2.116 postos do subgrupo A1 que poderían acceder aos postos que agora pretenden abrir aínda máis. Entre todos eles e elas, non atopan 6 persoas que se consideren axeitadas?
A apertura xa existente a outras administracións (CC.AA, Estado, Local e Xustiza), non a compartimos, pero ata podemos chegar a entendela como un "mal menor". Pero o persoal docente e sanitario ten uns procesos selectivos e unhas funcións tan diferentes cos do persoal funcionario da Administración da Comunidade Autónoma de Galiza, que este movemento só ten a explicación de querer moldear os postos para colocar "amigotes".
Con esta modificación, a Vicepresidencia primeira demostra unha total desconfianza ou menosprezo das empregadas e empregados públicos do subgrupo A1 que ten na propia Administración Autonómica. A mensaxe que transmiten é que este persoal non ten os suficientes coñecementos para poder ocupar un posto de nivel 30 como estes, e polo tanto hai que traer persoal doutras administracións. Mesmo persoal sen formación en funcións administrativas.
Da igual entrar en calquera administración, co temario e as probas que sexan, que despois xa vales para ir para a Xunta de Galiza. É unha ofensa ás empregadas e empregados públicos da Administración Autonómica galega que tiveron que esforzarse, estudar e aprobar unhas oposicións cada vez mais duras, que se algún día queren aspirar a un nivel 30, as súas opcións vense minguadas pola apertura a outras administracións.
- Detalles
No DOG do 06/09/2023 publican:
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso no corpo superior da Administración xeral da Comunidade Autónoma de Galiza e no corpo facultativo superior de Administración especial da Administración xeral da Comunidade Autónoma de Galiza (subgrupo A1).
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso no corpo de xestión da Administración xeral da Comunidade Autónoma de Galiza e no corpo facultativo de grao medio de Administración especial da Administración xeral da Comunidade Autónoma de Galiza (subgrupo A2).
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso no corpo administrativo da Administración xeral da Comunidade Autónoma Galiza e no corpo de axudantes de carácter facultativo de Administración especial da Administración xeral da Comunidade Autónoma de Galiza (subgrupo C1), e para o ingreso no corpo de técnicos de carácter facultativo de Administración especial da Administración xeral da Comunidade Autónoma de Galiza (subgrupo B).
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso no corpo auxiliar da Administración xeral da Comunidade Autónoma Galiza e no corpo de auxiliares de carácter técnico de Administración especial da Administración xeral da Comunidade Autónoma de Galiza (subgrupo C2).
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso na agrupación profesional de persoal funcionario da Xunta de Galiza (subgrupo AP).
As persoas aspirantes poderán consultar o estado das solicitudes de inscrición presentadas e a situación como admitidas ou excluídas a través do aplicativo FIDES (https://fides. xunta.gal).
A listaxe definitiva completa de persoas aspirantes admitidas e excluídas, con indicación, de ser o caso, da causa determinante da súa exclusión, poderase consultar no portal web corporativo funcionpublica.xunta.gal
- Detalles
No DOG do 06/09/2023 publican:
- RESOLUCIÓN do 29 de agosto de 2023, do tribunal designado para cualificar a proba de coñecemento da lingua galega de procesos selectivos extraordinarios de estabilización derivados da Lei 20/2021, do 28 de decembro, de medidas urxentes para a redución da temporalidade no emprego público. Convocatoria proba de galego-Celga 2:
Procesos selectivos extraordinarios de estabilización derivados da Lei 20/2021, do 28 de decembro, para o ingreso na agrupación profesional de persoal funcionario da Administración xeral da Comunidade Autónoma de Galiza, na escala de persoal subalterno e na escala de persoal de limpeza e recursos naturais e forestais e para o ingreso nas categorías 10B, 10C, 14, 14ª do grupo V de persoal laboral da Xunta de Galiza.
Este exercicio terá lugar no salón de actos e na aula 1 da Facultade de Dereito da Universidade de Santiago de Compostela, o día 10 de setembro de 2023, en chamamento único que se iniciará ás 16.30 horas.
- RESOLUCIÓN do 29 de agosto de 2023, do tribunal designado para cualificar a proba de coñecemento da lingua galega de procesos selectivos extraordinarios de estabilización derivados da Lei 20/2021, do 28 de decembro, de medidas urxentes para a redución da temporalidade no emprego público. Convocatoria proba de galego-Celga 3:
Procesos selectivos extraordinarios de estabilización derivados da Lei 20/2021, do 28 de decembro, para o ingreso no corpo auxiliar da Administración xeral da Comunidade Autónoma de Galiza e no corpo de auxiliares de carácter técnico de Administración especial da Administración xeral da Comunidade Autónoma de Galiza, subgrupo C2, e para o ingreso en diversas categorías do grupo IV do persoal laboral da Xunta de Galiza. Segundo.
Este exercicio terá lugar no salón de actos e na aula 1 da Facultade de Dereito da Universidade de Santiago de Compostela, o día 10 de setembro de 2023, en chamamento único que se iniciará ás 12.30 horas.
- RESOLUCIÓN do 29 de agosto de 2023, do tribunal designado para cualificar a proba de coñecemento da lingua galega de procesos selectivos extraordinarios de estabilización derivados da Lei 20/2021, do 28 de decembro, de medidas urxentes para a redución da temporalidade no emprego público. Convocatoria proba de galego-Celga 4:
Procesos selectivos extraordinarios de estabilización derivados da Lei 20/2021, do 28 de decembro, para o ingreso no corpo superior da Administración xeral da Comunidade Autónoma de Galiza e no corpo facultativo superior de Administración especial da Administración xeral da Comunidade Autónoma de Galiza, subgrupo A1, e para o ingreso en diversas categorías do grupo I do persoal laboral da Xunta de Galiza.
Procesos selectivos extraordinarios de estabilización derivados da Lei 20/2021, do 28 de decembro, para o ingreso no corpo de xestión da Administración xeral da Comunidade Autónoma de Galiza e no corpo facultativo de grao medio de Administración especial da Administración xeral da Comunidade Autónoma de Galiza, subgrupo A2, e para o ingreso en diversas categorías do grupo II do persoal laboral da Xunta de Galiza e persoal laboral propio do Cixtec (grupo II).
Procesos selectivos extraordinarios de estabilización derivados da Lei 20/2021, do 28 de decembro, para o ingreso no corpo administrativo da Administración xeral da Comunidade Autónoma de Galiza e no corpo de axudantes de carácter facultativo de Administración especial da Administración xeral da Comunidade Autónoma de Galiza, subgrupo C1, para o ingreso no corpo de técnicos de carácter facultativo de Administración especial da Administración xeral da Comunidade Autónoma de Galiza (grupo B), e para o ingreso en diversas categorías do grupo III do persoal laboral da Xunta de Galiza e persoal laboral propio do Cixtec (grupo III).
Este exercicio terá lugar no salón de actos e na aula 1 da Facultade de Dereito da Universidade de Santiago de Compostela, o día 10 de setembro de 2023, en chamamento único que se iniciará ás 9.00 horas.
- Detalles
No DOG do 05/09/2023:
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso no corpo superior da Administración xeral da Comunidade Autónoma de Galiza e no corpo facultativo superior de Administración especial da Administración xeral da Comunidade Autónoma de Galiza (subgrupo A1).
- RESOLUCIÓN do 1 de setembro de 2023 da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso no corpo de xestión da Administración xeral da Comunidade Autónoma de Galiza e no corpo facultativo de grao medio de Administración especial da Administración xeral da Comunidade Autónoma de Galiza (subgrupo A2).
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso no corpo administrativo da Administración xeral da Comunidade Autónoma Galiza e no corpo de axudantes de carácter facultativo de Administración especial da Administración xeral da Comunidade Autónoma de Galiza (subgrupo C1), e para o ingreso no corpo de técnicos de carácter facultativo de Administración especial da Administración xeral da Comunidade Autónoma de Galiza (subgrupo B).
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso no corpo auxiliar da Administración xeral da Comunidade Autónoma de Galiza e no corpo de auxiliares de carácter técnico de Administración especial da Administración xeral da Comunidade Autónoma de Galiza (subgrupo C2).
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso na agrupación profesional de persoal funcionario da Xunta de Galiza (subgrupo AP).
As persoas aspirantes poderán consultar o estado das solicitudes de inscrición presentadas e a situación como admitidas ou excluídas a través do aplicativo FIDES (https://fides. xunta.gal).
A listaxe definitiva completa de persoas aspirantes admitidas e excluídas, con indicación, de ser o caso, da causa determinante da súa exclusión poderase consultar no portal web corporativo funcionpublica.xunta.gal.
Así mesmo, e segundo a base I.4 das que rexen o proceso selectivo, nesta listaxe figuran as persoas aspirantes que non acreditaron estar en posesión do Celga requirido, polo que terán que realizar a proba de coñecemento da lingua galega.
- Detalles
No DOG do 04/09/2023 publican:
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listas definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso nas categorías 19, 32, 38 e 40 do grupo I de persoal laboral da Xunta de Galiza.
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listas definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso na categoría 40 do grupo I de persoal laboral da Xunta de Galiza.
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listas definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso nas categorías 3, 4, 5, 6, 9, 35 e 39 do grupo II de persoal laboral da Xunta de Galiza e de persoal laboral propio do Cixtec (grupo II).
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listas definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso nas categorías 100 e 104 do grupo III de persoal laboral da Xunta de Galiza e persoal laboral propio do Cixtec (grupo III).
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listas definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso nas categorías 3, 12, 15, 34, 36, 37, 43, 52, 54, 54B, 66, 71, 94, 98, 100, 101, 103 e 104 do grupo III de persoal laboral da Xunta de Galiza e persoal laboral propio do Cixtec (grupo III).
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listas definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso nas categorías 21 e 33 do grupo IV de persoal laboral da Xunta de Galiza.
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso nas categorías 7, 20, 21, 24, 25, 31, 32, 33, 34, 37 e 39 do grupo IV de persoal laboral da Xunta de Galiza.
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listas definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso nas categorías 10B, 10C, 14 e 14A do grupo V de persoal laboral da Xunta de Galiza.
- RESOLUCIÓN do 1 de setembro de 2023, da Dirección Xeral da Función Pública, pola que se aproban e se fan públicas as listaxes definitivas de persoas admitidas e excluídas ao proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso nas categorías 10B, 10C, 14 e 14A do grupo V de persoal laboral da Xunta de Galiza.
As persoas aspirantes poderán consultar o estado das solicitudes de inscrición presentadas e a situación como admitidas ou excluídas a través do aplicativo FIDES (https://fides. xunta.gal).
A listaxe definitiva completa de persoas aspirantes admitidas e excluídas, con indicación, de ser o caso, da causa determinante da súa exclusión poderase consultar no portal web corporativo funcionpublica.xunta.gal
Así mesmo, e segundo a base I.4 das que rexen o proceso selectivo, nesta listaxe figuran as persoas aspirantes que non acreditaron estar en posesión do Celga requirido, polo que terán que realizar a proba de coñecemento da lingua galega.
- Detalles
O persoal, sen convenio desde xuño, insta a Medio Rural a apertura dun proceso de negociación.
Delegados e delegadas da CIG das catro provincias galegas presentaron esta mañá, no rexistro da Xunta de Galiza, preto de 700 sinaturas de traballadores/as do servizo de incendios para instar á Xunta a que negocie as súas condicións laborais, xa que están sen convenio dende o 1 de xuño deste ano.
A Consellaría de Medio Rural deixou sen regular as condicións laborais dos postos de traballo do persoal funcionario do SPIF, bombeiros e bombeiras forestais, emisoristas e vixilantes ou persoal das brigadas helitransportadas, entre outros, que teñen un réxime especial de prestación de servizos con quendas, noites, horarios diversos e alongados, limitacións de vacacións e outros permisos e dereitos, riscos extremos derivados do perigo de traballar na extinción dos incendios forestais da Galiza.
Aínda así, nesta campaña estase a traballar porque, polo de agora, a Consellaría do Medio Rural mantén unha sorte de status quo neste verán do 2023, pois a carteleira aínda está a ser compartida con outro persoal que si ten convenio. Porén, xa hai problemas de horarios diferentes entre bases, distritos e provincias, producindo diferenzas nas condicións laborais de traballadores/as que cobran igual, e dándose episodios de abuso laboral por parte da consellería, como a obriga de traballar, até o de agora, 11 horas/xornada durante todo o ano -e non só na campaña de verán-, que vén de se mudar pola obriga de traballar de orto a ocaso nas bases helitransportadas ourensás, ou impor as datas para o goce de todos os días de vacacións e permisos.
Negociación
A CIG-Autonómica vén demandando, desde o pasado ano, a negociación das condicións laborais do persoal previas á funcionarización. Ante a inacción da administración, este mes de xullo presentamos queixa ante a Valedora do Pobo que iniciou actuacións. A funcionarización deixa sen convenio ao persoal recentemente funcionarizado, que non ve recollido os dereitos laborais vinculados á especial prestación de servizos que se desenvolve no SPIF.
Nin o Acordo de Concertación nin o Decreto de funcionarización obrigan á Administración a que os novos postos funcionariais teñas os dereitos do V Convenio Colectivo Único transitoriamente, mentres non se negocie unha nova regulación.
A este respecto hai que sinalar que o pasado 13 de xuño entrou en vigor a funcionarización do persoal do SPIF que quixo acollerse a este procedemento. Os que continúan como laborais están acollidos no V Convenio Único pero coa mobilidade restrinxida e outros dereitos recortados desde 2012, como as compensacións por domingos e festivos.
Por iso consideramos que é necesario un Acordo marco regulador que parta dos dereitos do V convenio único e que minimice as posibles diferenzas de dereitos entre persoal funcionario e laboral.
Fronte a iso, denunciamos o proceder da Dirección Xeral de Función Pública, da Consellería do Medio Rural e, nomeadamente, do director xeral de Defensa do Monte que impón mediante circulares protocolos de actuación e funcións sen negociar.
Sinalamos aos titulares de Función Pública e da Consellería como responsables de que hoxe esteamos sen dereitos laborais por estas prestacións especiais de servizo incumprindo toda a normativa laboral e o Estatuto Básico do Empregado/a Público.
- Detalles
A Consellería de Medio Ambiente segue a recorrer a contratación externa para a realización de traballos permanentes e de reforzo no Parque Nacional das Illas Atlánticas e nos Parques Naturais na vez aumentar o cadro de persoal propio.
A empresa pública estatal EMPRESA DE TRANSFORMACIÓN AGRARIA SA, SME, MP. (TRAGSA) a que se lle deu a encarga, na práctica, a día de hoxe esta a realizar funcións propias de persoal empregado público. Por exemplo, contratou persoal para a vixilancia nos espazos, guía e información, tarefas de mantemento, etc…
Aínda que xa máis 20 anos que a Xunta comezou coa contratación con TRAGSA nestes espazos, agora o aumento de persoal e de funcións é destacable xuntando en catro encargas máis de 3,7 millóns de euros, sendo a duración dun mínimo 2 anos e para traballos que consideramos necesidades permanentes, pois lévanse a termo todos os anos.
As instalacións, moito do material, funcións e tarefas son compartidas co persoal empregado público: temos guías de TRAGSA e guías da consellería, vixiantes de TRAGSA e vixiantes da consellería, persoal de mantemento de TRAGSA e da consellería… Auméntase o persoal coa empresa e non se trata de traballos novos, son os reforzos de tempada.
Ante esta situación a CIG ven de solicitar á consellería a información completa destas encargas cos pregos de condicions e especificación do número de contratos por categoría, espazo e funcións para facer a análise xurídica da súa legalidade. Ademais esiximos delimitar as tarefas e funcións para evitar problemas de descoordinación, e saber quen son as persoas supervisoras nomeadas pola Dirección Xeral de Patrimonio Natural.
Rexeitamos que os reforzos de persoal se fagan por TRAGSA polo que, instamos a Vicepresidencia 2ª e Consellería de Medio Ambiente, Territorio e Vivenda a que abra un proceso negociador para dimensionar e axustar as necesidades e crear os postos xa na RPT.
Lembramos que outros servizos externalizados doutras consellerías pasaron a xestión directa sen problemas (non computan taxa de reposición) e que os reforzos se fan coas figuras previstas na LEPG ou aumentando o cadro de persoal propio como demandamos dende a CIG.
E preguntámonos, cal e a razón pola que a consellería teima na contratación con TRAGSA se os servizos externos son máis caros e producen maiores problemas na coordinación do persoal nos espazos de xestión propia?
https://www.contratosdegalicia.gal/encargo?OP=55&E=706&OR=417&ID=801&S=E&lang=gl
https://www.contratosdegalicia.gal/encargo?OP=55&E=681&OR=417&ID=801&S=E&lang=gl
https://www.contratosdegalicia.gal/encargo?OP=55&E=607&OR=417&ID=801&S=E&lang=gl
https://www.contratosdegalicia.gal/encargo?OP=55&E=540&OR=417&ID=801&S=E&lang=gl
- Detalles
A CIG esixe á Xunta a negociación urxente das condicións de traballo do persoal de incendios e das brigadas helitransportadas ante a disparidade de criterios entre as bases.
Estamos rematando o mes de agosto e coas novas brigadas helitransportadas e outro persoal funcionarizado aínda sen regular. A Consellería de Medio Rural e Función Pública incumplen o Estatuto Básico do Empregado Público e a própia norma galega (LEPG) ao ter ao persoal traballando sen Acordo de condicións laborais e fóra do V Convenio Colectivo Único.
Na CIG vimos denunciando esta situación dende hai meses, e ao comezo da campaña de verán pedimos amparo a Valedora do Pobo que respostou o 18 de xullo co acto de admisión a trámite e anunciou de inicio de actuacións, no que solicitou informe á Dirección xeral da Función Pública e a Consellería do Medio Rural. Máis parece que asubían para arriba xa que aínda non temos convocatoria para apertura do proceso negociador e co aumento da carga de traballo ante os lumes forestais a situación tórnase insostible, como era de esperar.
Cada provincia está a impor horarios diferentes diferindo incluso entre bases e distritos. Ademais a día de hoxe o persoal das brigadas helitransportadas non saben cales van ser as súas condicións ao remate da campaña de verán, nin horarios, nin funcións e traballos. Establecéronse na relación de postos de traballo prazas itinerantes sen compensacións e sen ter negociado as condicións laborais como as/os emisoristas destas bases.
E todo porque a Consellería de Medio Rural creou as novas brigadas helitransportadas ás presas e obviando a necesaria negociación colectiva das condicións de traballo que se segue a negar a tratar. É máis, o persoal xa tiña dereito a saber as condicións laborais antes de aceptar os chamamentos para poder optar aos novos postos con toda información.
Alguén se imaxina que poidas estar a traballar na Xunta de Galiza sen convenio, ou (o que é o mesmo para o persoal funcionario), sen acordo de condicións laborais?
Ante esto a CIG-Autonómica ven de reiterar a solicitude de negociación. De non atender esta esixencia e, ante a teima da consellería en permanecer na ilegalidade, imos presentar denuncia e solicitar responsabilidades aos titulares da consellería que teñen ao persoal traballando cunha prestación de servizo especial e con tanto risco sen condicións laborais.
Acordo regulador de condicións laborais para todo o persoal XA!
