- Detalles
Os criterios de bases para os procesos de estabilización derivados da Lei 20/2021 van ir á Comisión de Persoal xunto coa carreira profesional o venres 28 de outubro, despois de pasar primeiro por Mesa Xeral de Empregados Públicos, tras a solicitude da CIG para intentar aportarlle melloras.
O último borrador de criterios de bases xerais para as convocatorias de estabilización trae, de novo, cambios sen explicación. E xa van 6 borradores diferentes con vai e ven en puntuación nos méritos, engádegas e incluso volta atrás en cuestións xa acordadas. Ante esta situación na CIG esiximos que se trate previamente na Mesa Xeral de Empregados Públicos para intentar mudar a posición da Función Pública naquelas cuestións que son lesivas para o persoal.
Criterios para as bases de estabilización
En resumo a día de hoxe o que hai no borrador de Función Pública para a Comisión de Persoal:
- Méritos ata a data da convocatoria.
- Valoran os servizos prestados de vinculación temporal.
- O coñecemento da lingua galega será requisito. Se non ten Celga, exame previo tipo test, equivalente a Celga e eliminatorio.
- Valóranse categorías e escalas equivalentes. Ademais integradas, refundidas ou sucesivas (por extinguidas ou en proceso): recolleranse de xeito específico en cada convocatoria.
- Desempate: 1º) infrarrepresentación muller no seu caso; 2º) maior tempo de servizos prestados escala/categoría administración convocante; 3º) maior tempo de servizos prestados noutras categorías/escalas da administración convocante; 4º) maior idade; 5º) sorteo. No concurso-oposición: o segundo desempate será a maior puntuación na fase de oposición.
- No concurso-oposición (60 oposición-40 concurso):
- Un exercicio C1, C2 e AP; e máximo dous para A1 e A2. Preferentemente tipo test.
- Non hai autoavaliación.
- Distribución de 30 (experiencia)-10 (outros méritos).
- O tempo traballado terá dúas valoracións diferentes: na administración convocante na categoría/escala, con 0,25 ptos/mes; e outras administracións, con 0,125 ptos/mes. Anos para o máximo: 10.
- O valor da formación na lingua galega e linguaxe administrativa volve a puntuación de partida cun máximo de 2,5 puntos
- No concurso:
- Autoavaliación dos méritos nos procesos da Dirección Xeral da Función Pública (resto opcional).
- O tempo traballado (70 puntos): na administración convocante na categoría/escala, 0,30 ptos/mes; diferente á convocante, 0,15 ptos/mes (proporción 2-1).
- Outros méritos (30 puntos):
- Formación: ata 17,5 puntos, mínimo 8 h/curso, 0,04 ptos/hora (máximo con 437,5 horas).
- Grao coñecemento da lingua galega: ata 5 puntos.
- Exercicios aprobados coa fase de oposición rematada con data posterior ao 1.01.2002: máximo 7,5 ptos., 2,5 puntos por exercicio ou proba superada. Nas escalas ou categorías que non houbo acumúlase na formación (apartado de formación específica). Non puntua o exercicio de galego, probas psicotécnicas ou físicas.
Como novidade din que valorarán os servizos prestados en encomendas de xestión nas entidades instrumentais; mais deben aclaralo, pois xorden interpretacións.
O que non aceptan:
- Valorar tamén os servizos prestados en diferente categoría/escala na administración convocante.
- Compensar o tempo de inactividade obrigada do persoal fixo-descontinuo.
- Aclarar que vai pasar coas prazas de fixos descontinuos de 6 meses. Como lle van valorar o tempo traballado en SEAGA a este persoal?
- Reducir o peso da formación e introducir neste baremo as titulacións.
- Valorar exercicios superados en procesos superados como temporais, reducir a puntuación e eliminar o límite de tempo.
- O peso da experiencia profesional na administración convocante e o intervalo con respecto a outras administracións é insuficiente.
- Aclarar onde, como, a quen e por que van valorar servizos prestados en entes instrumentais por que é unha novidade que non xustifican.
- Detalles
O ISM denega a asimilación do persoal gardacostas no réxime especial do Mar á vez que lle aplica todas as esixencias dese réxime especial para poder realizar as súas funcións.
As preto de 250 persoas empregadas no servizo de Gardacostas de Galiza encárganse da vixilancia, busca, salvamento e protección do medio mariño e da importantísima loita contra o furtivismo. De todas estas persoas só a metade son persoal funcionario público que comparte espazo e funcións co persoal laboral da Consellería do Mar e coas empresas privadas coa que a Consellería do Mar privatizou os servizos auxiliares das embarcacións.
Mentres este persoal das empresas privadas non ten dificultades para estar no Réxime Especial da Seguridade Social dos Traballadores do Mar (TREMAR) e acceder á xubilación anticipada con coeficientes redutores por causa das súas funcións, o persoal gardacostas funcionario queda excluído destes dereitos mais se lle aplican as obrigas do ISM para poder embarcar.
A CIG reuniuse no mes de marzo coa Consellería do Mar para que solicitara ao ISM o TREMAR para o persoal gardacostas por asimilación de funcións xa que de non facelo se estaba a producir unha discriminación clara por razón do réxime xurídico. Temos que lembrar que este persoal funcionario estaba encadrado ata o ano 1996 nese réxime especial e que os xulgados do Social seguen a recoñecer os coeficientes redutores durante toda a vida laboral independentemente de onde cotizaran ao persoal gardacostas xubilado, co fin de complementar as suas pensións.
Acaba de chegar a resposta do “Instituto Social de La Marina” a que tivemos acceso. Nesta resolución o ISM bota balóns fóra e derívannos ao recoñecemento dos coeficientes redutores pola vía do RD 1698/2011 polo que se regula o réxime xurídico e de procedemento xeral para establecer os coeficientes reductores e anticipar a edad de xubilación no sistema da seguridade social. Mais na práctica sigue obrigando a este persoal funcionario a pasar un recoñecemento médico específico de embarque e a manter ao día os cursos necesarios para o embarque e xestión das embarcaciones á vez que lles denegan o acceso a estes recoñecementos e formación específica por no estar adscritos/as ao TREMAR.
E cal é a xustificación do ISM para excluílos? Pois que son funcionarios e funcionarias públicas acollidos ao réxime xeral da Seguridade Social. Pois claro, nalgún sitio tiñan que estar encadrados, pero isto non xustifica que non o poidan estar no TREMAR. Non atopamos ningunha normativa que xustifique a exclusión.
La consideración de funcionarios del personal del Servicio de Guardacostas de Galicia hace que se encuentren excluidos del campo de aplicación del Régimen Especial de la Seguridad Social de los trabajadores del Mar estando encuadrados en el Régimen General de la Seguridad Social por aplicación del artículo 136.2 del texto refundido de la Ley General de la Seguridad Social, aprobado mediante Real Decreto Lexislativo 8/2015, de 30 de octubre. En dicho artículo se establece que se encuentran expresamente comprendidos en el Régimen General de la Seguridad Social:
i) El personal funcionario al servicio de las administraciones públicas y de las entidades y organismos vinculados o dependientes de ellas.
Por outra parte lembramos que a razón fundamental da solicitude de asimilación ou entrada no TREMAR é pola dereito fundamental á protección da saúde deste persoal que comparte o mesmo ámbito laboral que os seus compañeiros. Con esta resolución o ISM obriga pero non protexe ao funcionarios e funcionarias gardacostas da Xunta de Galiza.
Solicitámoslle a Consellería do Mar que recorra a resolución do ISM e que faga as xestións necesarias para eliminar a discriminación e protexer ao seu persoal, pero aínda estamos pendentes de resposta.
Máis na CIG non nos quedamos paradas e estamos a traballar nunha segunda vía cos grupos parlamentares para que se introduza unha emenda que recoñeza os coeficientes redutores no anteproxecto da Lei de pesca en tramitación nestes momentos no Congreso dos Deputados.
- Detalles
Mentiras e intentos de manipulación ao persoal
Dende unha central sindical e unha asociación (CNT/Asociatem) están a espallar o medo a perder dereitos laborais se se asina un hipotético novo contrato coa integración do Consorcio.
O persoal do Consorcio está pendente da integración como persoal da Xunta de Galiza dende que se asinou o Acordo de Integración para a inclusión no V Convenio Único para persoal laboral da Xunta de Galiza o 21 de febreiro de 2017.
Daquela, a CIG convocou asembleas de traballadoras/es para debater e votar sobre a conveniencia ou non de asinar o Acordo de Integración, e o resultado foi a favor da sinatura por unha aplastante maioría.
A adscrición ao V Convenio supuxo, para o persoal do Consorcio, significativas melloras retributivas (trienios, equiparación salarial) e de dereitos (aplicación do mesmo réxime de permisos e licenzas que o resto do persoal público), a creación das categorías de xerocultoras e PSX e a eliminación da xornada de 40h semanais.
A CNT e Asociatem están a mentir e meter medo. Manipulación, que pretenden que prenda como unha chispa na situación de incerteza na que nos atopamos as traballadoras durante o período de negociacións.
Agora din que perderemos dereitos coa novación contractual e indican a posibilidade de non asinar a dita novación.
Pero,
Que hai de certo nisto?
O que pon o Acordo de Integración é o seguinte:
<<Sétimo. Integración do persoal laboral temporal do Consorcio.
A integración do persoal temporal farase de oficio, segundo a modificación que se acorde do devandito decreto, despois da publicación da correspondente orde, como persoal laboral da Xunta de Galicia.
Así, o persoal laboral temporal do Consorcio pasará a ser persoal laboral temporal da Xunta de Galicia nos mesmos postos de traballo para os cales foi seleccionado, realizarase a oportuna novación do contrato laboral e incorporarase á Xunta de Galicia na categoría laboral correspondente.
Aos novos contratos laborais temporais que se formalicen para prestar servizo nos dispositivos xestionados polo Consorcio de Servizos Sociais aplicaránselles as mesmas condicións de traballo e retributivas que se establecen no presente acordo para o persoal laboral que se incorpora ao Convenio colectivo único.>>
Agora, Función Pública di que non haberá novación contractual para os laborais temporais pero, aínda que a houber, está claro en que condicións tería que ser. As condicións de traballo teñen que ser as mesmas que antes da integración (antigüidade, permisos, retribucións, condicións contractuais, etc.)
Están os estatutos do Consorcio adaptados á LOFAXGA?
Tamén se está a dicir, dende esa central sindical, que os estatutos do Consorcio non están adaptados á Lei de organización e funcionamento da Administración xeral e do sector público autonómico de Galiza (LOFAXGA). Pois non é certo, o 26 de novembro de 2020 publicouse no DOG a modificación dos estatutos, tras asemblea xeral do Consorcio con todos os alcaldes onde hai servizos, e na modificación se establece que “A selección do seu persoal e a provisión de postos de traballo, agás os de persoal directivo, corresponderanlle ao centro directivo competente en materia de función pública.”
Vai puntuar o tempo da xornada que se reduce se te acolliches á unha redución de xornada por conciliación?
Eles din que pode ser que non. Pois é mentira. As disposicións legais en materia de igualdade recollen que ten que puntuar a tempo completo.
Non máis mentiras e manipulación
A CIG, non o dubidedes, non asinará nada que prexudique as traballadoras e traballadores do Consorcio, pero impoñémonos a obriga de negociar até o final para conseguir melloras nas condicións de acceso aos postos, reservándonos accións posteriores se consideramos as condicións inaceptables.
- Detalles
Delegados e delegadas concentráronse diante do edificio de San Caetano para exixir melloras
Delegados de delegadas da CIG concentrámonos na mañá do xoves 20 de outubro diante do edificio administrativo da Xunta de Galiza en San Caetano para manifestar o seu rexeitamento a unha Lei de Orzamentos que non garante ningún tipo de medida para compensar nos seus salarios o desmesurado incremento do IPC (que na Galiza é superior ao do Estado), nin a recuperación de dereitos laborais.
Denunciamos que nos orzamentos para 2023 a Xunta de Galiza fixo un “copia e pega” do “pacto a perdas” negociado ás agachadas e asinado na Mesa das Administracións Públicas do Estado por CCOO e UGT, e que supón unha perda de poder adquisitivo nos vindeiros anos, a sumar ao que xa leva perdido o persoal.
A perda de poder adquisitivo que teñen as e os empregados públicos na Galiza, cando aquí a carestía da vida é maior porque o IPC interanual está xa no 9,2%.
Nin sequera establecen a xornada das 35 horas, a pesar de estar no pacto estatal.
Na Lei de orzamentos para o 2023 a Xunta manterá suspendida a aplicación de todos os pactos e acordos retributivos e todos os dereitos recortados pola Lei de Medidas 1/2012 cando xa é hora de recuperalos, como é o caso do artigo 19 de V Convenio Colectivo, a suspensión de determinados artigos do Acordo de condicións do SPIF (nos que se regulan os descansos, as compensacións por noites ou domingos e festivos) ou os días de libre disposición, entre outros.
Xunto a iso denunciamos que se “hipoteque”, por moitos anos, a mobilidade do persoal da administración pública galega mediante a apertura de postos ao persoal doutras administracións públicas para a cobertura de prazas mediante comisións de servizos que durarán dous anos prorrogables de xeito indefinido ou que se manteña bloqueada a recuperación do Fondo de Acción Social, na contía e nas modalidades que existían até os recortes aplicadas polo PP.
Tampouco se establece un complemento que incremente as indemnizacións por razón de servizo –como axudas de custe e gastos de viaxe- xa que as actuais son totalmente insuficientes para cubrir os gastos de desprazamento ou manutención, co especial encarecemento dos combustíbeis.
Taxa de reposición
Tamén é inaceptábel que se manteña a taxa de reposición, porque vai levar a facer contratacións a través de sociedades instrumentais e a que aumente a temporalidade, cando a propia Función Pública recoñece que vai a haber un número importante de xubilacións que non se van dar cuberto. Isto, sumado á ineptitude para levar adiante as ofertas de emprego público nun prazo razoable, fai albiscar un panorama insoportable de colapso dos servizos públicos ou de privatizacións, como por exemplo a recente Residencia de Cerdedo ou Escola Infantil da Garda, que nacen privatizadas.
Advertimos do mantemento da limitación bestial para as substitucións ou a cobertura de prazas vacantes con interinos e interinas, porque, no canto de estender esta posibilidade a toda a administración limítana ao que eles consideran servizos esenciais ao tempo que dan carta branca para a contratación por medio de encomendas de xestión.
Modificación da Lei de Emprego Público de Galiza (LEPG)
En relación á Lei de medidas que modifica a LEPG, o director xeral de Función Pública non aceptou as alegacións presentadas e xustifica o seu silencio porque “moitas delas son reiteradas todos os anos” (en referencia á multitude de propostas de mellora de condicións salariais e de recuperación de dereitos ou de melloras a mobilidade e concursos e promoción interna que tentamos meter todos os anos).
Finalmente se reclamou que os dereitos recollidos no V Convenio do persoal laboral, sexan trasladados á LEPG para a súa aplicación a todo o persoal. A tal efecto se reiterou a proposta de negociar un acordo regulador antes de 6 meses. Mentres tanto, solicitaron a inclusión na LEPG dunha disposición transitoria que traslade os dereitos laborais do V Convenio ao persoal funcionario que non teña un acordo específico, garantindo así que non haxa perda de dereitos.
- Detalles
A CIG convoca unha concentración para este xoves, día 20 de outubro, ás 11:00 horas, diante da entrada principal do edifico administrativo da Xunta, en San Caetano, contra unha Lei de Orzamentos de Galiza para 2023, que non garante nin suba salarial, nin recuperación de dereitos laborais
A CIG-Administración denuncia que nos orzamentos para 2023 a Xunta de Galiza fixo un “copia e pega” do “pacto a perdas” negociado ás agachadas e asinado na Mesa das Administracións Públicas do Estado por CCOO e UGT, que supón unha perda de poder adquisitivo nos vindeiros anos, a sumar ao que xa leva perdido o persoal.
Denuncia ademais que non contempla ningún complemento, a maiores, que compense a maior perda de poder adquisitivo que teñen as e os empregados públicos na Galiza, cando aquí a carestía da vida é maior porque o IPC interanual está xa no 9,2%.
Xunto a isto denuncia que na Lei de orzamentos para o 2023 a Xunta manterá suspendida a aplicación de todos os pactos e acordos retributivos e todos os dereitos recortados pola Lei de Medidas 1/2012 cando xa é hora de recuperalos, como é o caso do artigo 19 de V Convenio Colectivo, a suspensión de determinados artigos do Acordo de condicións do SPIF (nos que se regulan os descansos, as compensacións por noites ou domingos e festivos) ou os días de libre disposición, entre outros.
Rexeita tamén que se hipoteque, por moitos anos, a mobilidade do persoal da administración pública galega mediante a apertura de postos ao persoal doutras administracións públicas para a cobertura de prazas mediante comisións de servizos que durarán dous anos prorrogables de xeito indefinido ou que se manteña bloqueada a recuperación do Fondo de Acción Social, na contía e nas modalidades que existían até os recortes aplicadas polo PP.
A CIG-Administración apunta que tampouco se establece un complemento que incremente as indemnizacións por razón de servizo –como axudas de custe e gastos de viaxe- xa que as actuais son totalmente insuficientes para cubrir os gastos de desprazamento ou manutención, co especial encarecemento dos combustíbeis.
Taxa de reposición
Rexeita, canda isto, que se manteña a taxa de reposición, o que vai levar a facer contratacións a través de sociedades instrumentais e a que aumente a temporalidade, cando a propia Función Pública recoñece que vai a haber un número importante de xubilacións que non se van dar cuberto. Isto, sumado á ineptitude para levar adiante as ofertas de emprego público nun prazo razoable, fai albiscar un panorama insoportable de colapso dos servizos públicos ou de privatizacións, como por exemplo a recente Residencia de Cerdedo ou Escola Infantil da Guarda.
Para máis, advirte do mantemento da limitación bestial para as substitucións ou a cobertura de prazas vacantes con interinos e interinas, porque, no canto de estender esta posibilidade a toda a administración limítana ao que eles consideran servizos esenciais ao tempo que dan carta branca para a contratación por medio de encomendas de xestión.
Modificación da Lei de Emprego Público de Galiza (LEPG)
En relación á Lei de medidas que modifica a LEPG, a CIG-Administración lamenta que o director xeral de Función Pública non aceptara as alegacións presentadas e xustificara o seu silencio porque “moitas delas son reiteradas todos os anos” (en referencia á multitude de propostas de mellora de condicións salariais e de recuperación de dereitos ou de melloras a mobilidade e concursos que tentamos meter todos os anos).
A CIG-Administración reclama que os dereitos recollidos no V Convenio do persoal laboral, sexan trasladados á LEPG para a súa aplicación a todo o persoal. A tal efecto reitera a súa proposta de negociar un acordo regulador antes de 6 meses. Mentres tanto, solicita a inclusión na LEPG dunha disposición transitoria que traslade os dereitos laborais do V Convenio ao persoal funcionario que non teña un acordo específico, garantindo así que non haxa perda de dereitos.
- Detalles
A Xunta presenta na Mesa Xeral (17/10/22) a súa proposta de salarios pola que o persoal empregado público perderá arredor dun 10% do seu poder adquisitivo nos próximos tres anos. A proposta é un “copia e pega” do “pacto a perdas” negociado ás agachadas e asinado na Mesa das AAPP do Estado por CCOO e UGT.
Con isto o salario vai subir un 3,5% (ao 2% de suba no 2022 se lle engade un 1,5% adicional con efectos retroactivos) un 2,5 % no 2023 e un 2% no 2024. Algo completamente insuficiente para paliar a perda de poder adquisitivo neste e nos vindeiros anos, tendo en conta que no 2022 no mes de outubro o IPC interanual na Galiza está no 9,2%.
A maiores este pacto de perdas contempla unhas subas adicionais se se cumpren determinadas condicións que en principio parecen que non se van cumprir, tal e como sucedeu co anterior acordo para os anos 2018- 2020.
A Xunta, sen intención de negociar nin salarios nin dereitos
A Xunta convocou (con carácter estritamente formal), unha Mesa xeral de Empregados Públicos (17/10/22) para dar traslado dun novo recorte de dereitos co que quere ser cómplice do goberno español e dos sindicatos que apoian a vergoña do “pacto de perdas” (CCOO e UGT). A CIG incidimos en que no noso país a perda de poder adquisitivo é aínda maior ao ser máis elevado o IPC que na media estatal e demandamos que a Xunta propoña un complemento para un incremento retributivo que poida mitigar a perda que implicará o pacto estatal.
Os dereitos mantéñenos suspendidos a pesar de que nada lle impide activalos
Denunciamos que na Lei de orzamentos para o 2023 a Xunta manterá suspendida a aplicación de todos os pactos e acordos retributivos e todos os dereitos recortados pola Lei de medidas 1/2012 cando xa é hora de recuperalos: o artigo 19 de V Convenio Colectivo, a suspensión de determinados artigos do Acordo de condicións do SPIF (nos que se regulan os descansos, as compensacións por noites ou domingos e festivos), os dias de libre disposición, etc.
Igualmente se mantén bloqueada a recuperación do Fondo de Acción Social (FAS) na contía e nas modalidades que existían até os recortes aplicadas polo PP.
Hipotecan por moitos anos a mobilidade do noso persoal, mediante a apertura de postos ao persoal doutras administracións públicas para a cobertura de prazas mediante comisións de servizos que durarán dous anos prorrogables de xeito indefinido.
Nesta Mesa Xeral demandamos ademais un complemento que incremente as indemnizacións por razón de servizo (axudas de custe e gastos de viaxe) xa que son totalmente insuficientes para cubrir os gastos de desprazamento ou manutención coa elevada carestía da vida e, especialmente, dos combustíbeis.
Contratacións a través de entidades instrumentais
A CIG opúxose a que se fagan contratacións financiadas cos fondos da UE ou do Plan de Recuperación, Transformación e Resiliencia, a través de entidades instrumentais ou mediante encomendas de xestión ao tempo que se limita a contratación propia.
Denunciamos que o mantemento da taxa de reposición nos leva a aumentar a temporalidade cando a propia Función Pública recoñece que imos ter un número importante de xubilacións que non van dar cuberto. Isto sumado a ineptitude para levar adiante as ofertas de emprego público nun prazo razoable, danos un panorama insoportable de colapso dos servizos públicos ou de privatizacións (como por exemplo a recente Residencia de Cerdedo ou Escola Infantil da Guarda).
Para máis, manteñen a limitación bestial para as substitucións ou a cobertura de prazas vacantes con interinos e interinas. No canto de estender esta posibilidade a toda a administración limítana ao que eles consideran servizos esenciais ao tempo que dan carta branca para a contratación por medio de encomendas de xestión.
Unha sentenza, unha creación: cando hai sentenzas de indefinición a administración debe crear a praza no prazo de tres meses e sacala nunha oferta de emprego. O que non se pode é asignar unha vacante existente porque iso mingua a oferta total destas prazas.
Modificación da Lei de Emprego Público de Galiza (LEPG)
En relación á Lei de medidas que modifica a LEPG, o director xeral de Función Pública apenas resposta a un par de alegacións e NON ACEPTA NADA e xustifica o seu silencio porque “moitas delas son reiteradas todos os anos” (en referencia a multitude de propostas de mellora de condicións salariais e de recuperación de dereitos ou de melloras a mobilidade e concursos que tentamos meter todos os anos).
A CIG esixe trasladar á LEPG os dereitos recollidos no V Convenio
Dende a CIG defendemos que os dereitos recollidos no V Convenio do persoal laboral, sexan trasladados á LEPG para a súa aplicación a todo o persoal. A tal efecto propuxemos negociar un acordo regulador antes de 6 meses. Mentres tanto, solicitamos a inclusión na LEPG dunha disposición transitoria que traslade os dereitos laborais do V Convenio ao persoal funcionario que non teña un acordo específico, que garanta así que non haxa perda de dereitos.
- Detalles
A Dirección Xeral de Defensa do Monte comunicounos unha proposta de instrución ás organizacións sindicais, que vai supor a gratificación extraordinaria das horas de prolongación de xornada realizadas polo persoal do SPIF no período comprendido entre o 14 de xullo e o 31 de agosto. A metade das horas realizadas vanse compensar en tempo de descanso e a outra metade de xeito económico. Esto foi nunha reunión mantida o día 5 de outubro e aínda estamos a espera de recibir a proposta concreta.
A nivel xeral, na CIG queremos manifestar o desacordo coas gratificacións económicas extraordinarias por exceso de xornada ao traballar nos lumes. Por suposto que se debe ver recompensado o sobreesforzo realizado dos máis de 2000 traballadores/as do SPIF, pero esta gratificación non pode tapar o feito de que se fixeron xornadas por riba do máximo legal permitido, motivadas en gran parte polo enorme número de prazas sen ocupar e a falta de reforzo no propio servizo.
Dende a CIG xa solicitamos a cobertura de todas as prazas, a substitución áxil das baixas e incluso a cobertura das vacacións e un SALARIO DIGNO para o persoal. Mais a Consellería do Medio Rural prefire agora retribuír os abusos realizados que ter o servizo cuberto ao 100% tal e coma se espera dun servizo de emerxencias, e cun respecto axeitado pola prevención de riscos laborais dunhas labouras de extinción cada vez máis perigosas.
Pagar os abusos nas xornadas significa pagar xornadas de mais de 12 horas loitando contra o lume. O que realmente nos preocupa é que se consolide esta práctica: abusar do persoal e logo tratar de compensar.
Por todo isto, dende a CIG acabamos de propoñerlle á Dirección Xeral de Defensa do Monte que compense todas as horas de prolongación realizadas con tempo de descanso. Ademais, que empregue os fondos previstos en ampliar o tempo de traballo do persoal descontinuo e contratar persoal para poder encher os ocos no servizo que xerarían estas compensacións.
Esto recoñecería o esforzo realizado que dignifica ao servizo: fortalecer o cadro persoal e negociar melloras nas condicións laborais O persoal descontinuo demanda ampliar o seu tempo de traballo e non vale facer trampas con declaracións coma as que fixo o presidente Rueda. O persoal de 9 meses ao que segundo as súas declaracións se lle ampliaba o tempo de traballo xa estaba previsto que se lle ampliara debido á funcionarización.
- Detalles
Na defensa do poder adquisitivo do persoal empregado público! Concentración da Área Pública da CIG, este venres ás 11 horas, diante da delegación do goberno en Coruña
A suba proposta consuma a perda de poder adquisitivo do conxunto do persoal. O pacto de perdas avalado por CCOO e UGT non recolle sequera a perda do poder adquisitivo que xa temos consolidada en 2022, de preto do 10%, a un trimestre de rematar o ano.
Xunto a isto é de subliñar que a suba acordada para os anos 2022-2024 non chega a contemplar a inflación de prezos deste ano. Neste sentido, lembra que neste setembro situouse o IPC nun 9%, mais que estivo por riba do 10% boa parte do ano.
En tres anos, no mellor dos casos, non se recupera sequera o poder adquisitivo perdido no 2022, e asínase un acordo que dá por boa unha perda de máis do 5% entre este ano e o próximo. Ao que habería que sumar preto do -20% que levamos desde 2010.
- Detalles
O Anteproxecto de Lei de medidas urxentes para a redución da temporalidade no emprego público da Comunidade Autonoma da Galiza pasou pola Mesa Xeral o 10 de outubro e apróbase na Comisión de Persoal do día 11 co voto favorable de CCOO, UGT e CSIF e en contra da CIG.
Esta norma reproduce a Lei 20/2021 de temporalidade coas súas discriminacións sen dar unha solución a moitas das eivas que se derivan da lei estatal. Cabe lembrar que a Administración Xeral da Xunta é a campioa da temporalidade, superando o 30% de media de persoal temporal e interino.
Fixemos un esforzo ata o derradeiro minuto para mellorar o texto pero esta lei aínda non responde as expectativas do persoal. E como isto non remata aquí, imos poñernos en contacto cos grupos parlamentares para que recollan as nosas emendas e as defendan na tramitación parlamentar da lei. Función Pública segue tratando de xeito vago moitas cuestións que deberían ser definidas nesta lei, e a maiores crea novas escalas e especialidades e modifica de xeito significativo funcións e requisitos para escalas xa creadas sen telas negociado previamente.
Destacamos:
- Limita a fase de concurso do concurso oposición a 30% experiencia-10% outros méritos.
- Cunha declaración responsable os/as aspirantes farán a autobaremación dos méritos pero Función Pública só vai revisar as de maior puntuación ata completar o número de prazas convocadas. Ademais se falseas ou erras podes ser expulsado/a do proceso. Normal no primeiro caso, unha aberración no segundo.
- Reduce os prazos a metade dos procesos selectivos pero á vez auméntanse os prazos sobre os límites da lei estatal para convocar ou incluso ter rematados os procesos.
- Para evitar a concorrencia limita as excedencias por interese particular e incompatibilidade por 2 anos e obriga a escoller entre escalas se superas varios procesos para que ninguén aprobe máis de un á vez ou tome posesión nun solicitando excedencia noutro.
- No concurso-oposición nin exames tipo test, nin se garante un único exercicio con nota de corte ponderada se hai varias probas. Eso si aceptan eliminar o corte por lei da metade de preguntas acertadas.
- Crean escalas e especialidades: capataz, patrón, guía, gobernante, técnica e superior de información xeográfica, reprodución cartográfica, agrupacións profesionais, etc.) e mudan funcións e requisitos. Anuncian que isto vaise negociar nas emendas á lei.
- As probas que van ser valoradas na fase de méritos se refiren unicamente a administración convocante.
- A lingua galega vai ser requisito previo e poderá facerse proba previa de coñecemento do nivel requirido.
- Outorgarase unha puntuación maior (sen aclarar canto) para os servizos prestados na administración convocante.
- Unicamente se valora o tempo traballado como temporal/interino ou INF.
- Muda a data de referencia para os méritos e requisitos a data de entrada en vigor da lei pola data da convocatoria.
- Dalle poderes a Dirección Xeral de Función Pública para mudar equivalencias e reducir prazos.
Estamos pendentes de que a Administración nos remita canto antes o documento definitivo para facelo público, pois na propia Comisión de Persoal mudaron cuestións. Mentres, tes a túa disposición o documento que foi a votación na Comisión de Persoal: descargar.
Apróbase tamén, co único voto a favor da CSIF, a modificación dos estatutos da Axencia de Calidade do Sistema Universitario Galego (ACSUG) para darlle entrada no seu Consello Reitor á Universidade privada unha porta aberta á privatización no ámbito universitario. A CIG, CCOO e UGT votamos en contra
Mais cousas nos rogos e preguntas:
- Vaise facer unha reunión técnica para ver que esta a acontecer coa certificación de servizos prestados como ámbito sociosanitario no SERGAS da OPE social.
- Están a traballar na RPT de medio rural, teremos borrador a finais de mes.
- A orde de integración do persoal do Consorcio vira nos vindeiros días a Mesa Xeral de empregados públicos.
- Detalles
A CIG vén de rexistrar sendos escritos dirixidos á Dirección Xeral de Función Pública onde pedimos unha rebaremación da fase de concurso dos procesos selectivos para o ingreso, pola quenda de acceso libre e promoción interna, nas especialidades de medicina e terapia ocupacional. Ao tempo, na Comisión de Persoal do 11 de outubro fixemos extensiva esa petición de rebaremación ao resto de procesos selectivos da OEP Social.
No apartado II.2.2.1. das bases deses procesos selectivos disponse como se valorará en ditos procesos a experiencia profesional. Nese apartado recóllese textualmente:
“Experiencia profesional, entendida como os servizos prestados nalgunha das actividades descritas no catálogo de servizos sociais, a que fai referencia o artigo 18 da Lei 13/2008, do 3 de decembro, de servizos sociais de Galiza, en calquera Administración pública...”
En función da área sanitaria o servizo de persoal do SERGAS acreditou ou non que os servizos prestados na mesma pertencen ao catálogo de servizos sociais sin ter un criterio homoxéneo nin unificado. O criterio nalgunha área sanitaria foi acreditalo dese xeito se a persoa interesada así o solicitaba.
Para a CIG isto é un claro erro de interpretación das bases da convocatoria, xa que os centros do SERGAS son centros sanitarios, non son centros prestadores de Servizos Sociais, polo que non pertencen ao citado catálogo de Servizos Sociais. Non poden ser puntuados consonte o apartado II.2.2.1. senón que lles correspondería ser baremados dacordo ao apartado II.2.2.2. das citadas bases: “Experiencia profesional, entendida como os servizos prestados en calquera Administración pública, como persoal laboral na categoría (...)
Isto supón unha situación moi discriminatoria por varios motivos: en primeiro lugar, persoas que prestan servizos no mesmo organismo (SERGAS) están sendo baremadas de maneira distinta en función da área sanitaria, e en segundo lugar, as persoas que si prestan servizos dentro do catálogo de servizos sociais vense perxudicadas por ese erro de baremación. Pode suceder que no prazo de presentación de reclamacións as persoas que saen beneficiadas por este erro non realicen ningunha reclamación, polo que o baremo definitivo estaría errado.
Cumpre lembrar que estas diferenzas de puntuación entre prestar servizos no Sergas ou noutras administracións públicas tamén se dan nas bases dos procesos selectivos convocados polo SERGAS, puntuándose tamén dobre a experiencia neste organismo fronte a outras administracións públicas, como a Xunta.
Esta situación estase a producir tamén noutros procesos selectivos da chamada OEP Social, polo que na Comisión de Persoal do 11 de outubro a CIG esixíullea Función Pública que se fixera unha revisión completa da valoración de méritos da fase de concurso dos procesos selectivos derivados da OEP Social onde se estaban a facer polo SERGAS esas certificacións erradas.
Ante a insistencia da CIG conseguimos arrancar de Función Pública o compromiso de convocarnos a unha sorte de "gabinete de crise" para valorar a situación en aras de buscar unha solución á desfeita provocada polo SERGAS.
Para a CIG a única solución pasa por facer unha rebaremación completa respectando o estipulado nas convocatorias dos procesos selectivos para non xerar inxustizas nin discriminacións entre as persoas participantes neses procesos selectivos, que se revisen tódalas certificacións emitidas, que non se puntúe do mesmo xeito o tempo traballado no SERGAS que na Xunta e que, en definitiva, non se xogue co posto de traballo nin o destino de moitos compañeiras/os.
