Co acordo asinado por CCOO, UGT e CSIF en Madrid pasa o mesmo. Antes de negociar e asinar o acordo tanto o Goberno como estes “sindicatos” xa sabían cales eran as previsións institucionais sobre as cifras macroeconómicas. E decidiron poñer como condición para cobrar parte da suba salarial condicións máis agravadas que as previsións:
-
Onde se establece como variable o crecemento, por exemplo do PIB, eles establecen que para cobrar hai que estar por riba das previsións.
-
Cando se establece como variable a redución, neste caso do déficit, eles fixan que para cobrar hai que estar por baixo das previsións do Goberno.
Lembremos que dos tres conceptos que están implicados na suba salarial e que afectarían por igual a todo o persoal público, dous están condicionados.
Eses tres conceptos son:
- Incremento fixo
- Incremento variable ligado ao PIB
- Extra do 0,55% no 2021 ligado á estabilidade orzamentaria
(Non consideramos os fondos adicionais dentro dos conceptos de suba salarial, porque como xa explicamos poden ser destinados a fondos de accións social, melloras de diversos colectivos ou situacións, ou detraidas esas cantidades como fondo de pensións, polo que non van a repercutir sobre todo o persoal nin van ter carácter xeral)
O primeiro é o único elemento non condicionado.
En relación aos outros dous temos o seguinte:
INCREMENTO VARIABLE LIGADO AO PIB
Está ligado ao incremento do PIB no ano anterior do seguinte xeito:
|
|
CONDICIÓN PARA COBRAR O TOTAL DO INCREMENTO VARIABLE |
PREVISIÓN DO BANCO DE ESPAÑA |
|
2019 |
Si PIB 2018 > 2,5% |
2,4% |
|
2020 |
Si PIB 2019 > 2,5% |
2,1% |
No ano 2018 a condición é que o PIB tería que ter medrado un 3,1% no 2017. Como isto xa sucedeu é o único caso en que a parte variable se vai cobrar integra.
E canto medrará nos anos seguintes? Pois segundo as previsións do Banco de España a decembro de 2017:
| Taxas de variación anual (%) | 2016 | Proxeccións de decembro de 2017 | |||
| 2017 | 2018 | 2019 | 2020 | ||
| PIB | 3,3 | 3,1 | 2,4 | 2,1 | 2,1 |
| Emprego | 3,0 | 2,9 | 2,3 | 1,7 | 1,6 |
| IPC (inflación) | -0,2 | 2,0 | 1,5 | 1,4 | 1,7 |
Data de peche das proxeccións: 30/11/2017
Banco de España - Eurosistema
Dirección General de Economía y Estadística
Tampouco o cadro macro do Goberno é moito máis esperanzador, establecendo un 2,3% de incremento do PIB para 2018, por debaixo incluso do Banco de España.
Por tanto, CONDICIÓN IMPROBABLE para cobrar o total do incremento variable.
EXTRA DO 0,55% NO 2021, ligado á estabilidade orzamentaria
Este é un incremento adicional condicionado a que se cumpran os obxectivos de estabilidade orzamentaria no ano 2020, en concreto o obxectivo de DÉFICIT CERO no 2020 tal e como establece o Goberno.
Pois ben, a Autoridade Independente de Responsabilidade Fiscal, AIReF, organismo creado polo propio Goberno dinos que as previsións están lonxe de se cumprir e que o déficit vai estar en torno ao 2%.
Como vemos as dúas son CONDICIÓNS IMPROBABLES. Aínda así, ánimo, porque vai ser máis doado que unha equipa galega gañe a Liga!!