Inicio
Venres, 11 Abril 2025

A dirección da EGAP aposta agora pola «externalización» dos temarios

As persoas á fronte da EGAP escúndanse na falta de medios para a privatización da elaboración dos temarios de promoción interna e libre do persoal da Xunta de Galiza, un antigo compromiso que a EGAP incumpre ano tras ano.

Na CIG levamos moitos anos lembrándolle á EGAP o compromiso de elaboración dos temarios, tanto no referido á promoción interna como á libre. Até o de agora as respostas sempre foron evasivas, e remitíasenos á responsabilidade de Emprego Público neste asunto ou ...


Xoves, 10 Abril 2025

Teletraballo: estamos a recibir informacións contraditorias acerca de cambios na resolución

Viñeron compañeiros/as ou chamaron aos locais da CIG para comunicarnos que querían restrinxirlles o teletraballo dende unha determinada data. Segundo relatan, non se podería teletraballar nin os luns nin os venres. Ante esta información algún/a xefe/a confirmounos que había ordes de "enriba" para restrinxir o teletraballo "por razóns de servizo".

Na Comisión de Persoal do día 27 de marzo preguntamos á directora xeral de Emprego Público e Administración de Persoal (DXEP), sobre se había ...


Mércores, 09 Abril 2025

As desfeitas das RPTs con Rueda: se hai que enchufar, enchúfase; se hai que axustar unha praciña, axústase!

As relacións de postos de traballo deben ser os documentos técnicos que desenvolvan as prazas e as súas características dentro dunha consellaría. Teñen que estar baseadas en datos obxectivos, en funcións a desenvolver e na formación axeitada para cada posto.

Sempre foi así? Pois non. Moitas RPTs, herdadas da truculenta época Fraga, facíanse ad hoc para colocar amiguiñas e amiguiños ou xente recomendada afín á ideoloxía e ao partido dominante.

Traemos hoxe o exemplo da Consellaría da ...


Luns, 07 Abril 2025

A lingua galega e as lingüistas. A ignominia da Secretaría Xeral da Lingua

A precariedade laboral do persoal lingüista da Xunta e a oferta insuficiente da formación en linguaxe galega: dúas caras da mesma moeda.

O persoal laboral indefinido descontinuo, da categoría 40 do grupo I, titulado superior lingüista, da Administración Xeral da Xunta, que imparte os cursos de linguaxe galega programados pola Secretaría Xeral da Lingua, vive nunha precariedade laboral importante: non se lle programan actividades para todo o ano, non chegando nin ao 50% da xornada nin das ...


Xoves, 03 Abril 2025

Recuperar dereitos e salarios

A CIG-Administración Pública realizou mobilizacións nas diferentes comarcas contra a precariedade salarial e para avanzar nos dereitos laborais. Con este obxectivo reclamámoslle ao Goberno español que convoque a Mesa Xeral das Administracións Públicas para abordar unha serie de medidas que permitan reverter o empobrecemento no contexto de negociación dos Orzamentos Xerais do Estado. Porén o Goberno do estado pretende fuxir de novo da mesa legal de representación para buscar outro pacto ...


Xoves, 03 Abril 2025

A CIG denuncia a opacidade da EGAP na selección, retribucións e compatibilidades do persoal formador

Entre os cometidos da Escola Galega de Administración Pública (EGAP) atópase a formación do persoal propio da Administración. Boa parte desta formación impártea persoal empregado público, que é  seleccionado polos órganos de dirección das diferentes consellerías en colaboración coa EGAP.

A Lei 53/1984, do 26 de decembro, de incompatibilidades do persoal ao servizo das Administracións Públicas; o Real Decreto 598/1985, do 30 de abril, sobre incompatibildiades do persoal ao servizo da ...


Xoves, 03 Abril 2025

O trío da vergoña: Rueda, Vázquez e Lorenzana

Lembren estes nomes: Alfonso Rueda, Ánxeles Vázquez e María Jesús Lorenzana. O tres forman o que o outro día, na Pobra do Caramiñal, chamábase o trío da vergoña.

Rueda parece un neno caprichoso que non sabe dar o seu brazo a torcer. Aínda que as galegas e galegos digamos ALTRI NON e MINA DE TOURO NON, por miles, por centos de miles, el fai oídos xordos e sigue encabuxado. As outras dúas, Ánxeles e María Jesús, son coma as familiares compracentes que lle rin as gracias ao neno caprichoso. ...


Xoves, 03 Abril 2025

Concerto social Concepción Arenal

A Xunta segue apostando pola privatización da atención aos menores infractoresO pasado 20 de marzo publicouse a Resolución pola que se autoriza o inicio e a convocatoria, mediante o procedemento de “concerto social”, para a atención residencial e a intervención educativa integral con persoas menores que teñen que cumprir medidas xudiciais privativas de liberdade previstas na Lei orgánica 5/2000, do 12 de xaneiro, reguladora da responsabilidade penal dos menores, no centro de reeducación ...


Xoves, 27 Marzo 2025

Estase a restrinxir o teletraballo ás bravas?

A prestación de servizos na modalidade de teletraballo na Administración da Comunidade Autónoma de Galiza funcionaba ata o de agora con relativa normalidade agás a xa endémica opacidade da Xunta e a reiteración do incumprimento da convocatoria das Comisións de Seguimento para que as organizacións sindicais poidamos exercer un control.  

Mais nos últimos días están a chegar queixas do persoal por limitacións ao teletraballo en diferentes departamentos por medio dun correo ou incluso de ...


Martes, 25 Marzo 2025

O despropósito do Plan de axilización da dependencia + discapacidade

O pasado 3 de marzo a Xunta de Galiza, nunha comparecencia pública do Presidente Rueda, anuncia o Plan de axilización e simplificación dos trámites da dependencia e discapacidade. Este plan, implementado dende xaneiro, basease segundfo refiren en:

  • Na “redución ao máximo dos trámites” ao introducir un novo modelo de solicitude conxunta.
  • Na creación de xefaturas de servizo de discapacidade nos 4 departamentos territoriais, postos directivos e de libre designación que non incidirán en ...

Domingo, 23 Marzo 2025

A «lotería» dos cursos de linguaxe administrativa da EGAP

Anos, e mesmo décadas, para conseguir completar os dous niveis (medio e superior) de linguaxe administrativa galega: este é o panorama ao que nos enfrontamos o persoal da Administración xeral da Xunta e entes instrumentais, dada a reducidísima oferta de prazas ano tras ano.

A EGAP ten por lei entre os seus fins a difusión e a normalización do idioma galego na Administración Pública, a capacitación lingüística do persoal e maila participación na fixación da linguaxe técnica, administrativa ...


O venres 2 de outubro tivemos xuntanza co Director Xeral de Función Pública para trata este asunto que xa foi resolto na Administración do Estado. Dende a CIG trasladamos a nosa demanda de que a Administración restaure os dereitos perdidos:

  • Reclamamos voltar á situación anterior (9 días de asuntos persoais).
  • En canto aos días adicionais de asuntos propios, propoñemos que como mínimo se nos aplique o mesmo que o RD-l 10/2015 establece para o Estado: dous días adicionais de permiso por asuntos particulares ao cumprir o sexto trienio, incrementándose, como máximo, nun día adicional por cada trienio cumprido a partir do oitavo.
  • Nos días adicionais de vacacións propoñemos unha secuenciación diferente á do Estado, xa que a norma permite distribuir os días de antigüidade sen fixar criterio, polo que propoñemos un día adicional con cada trienio a partir do primeiro ata os catro que permite o RD-l.
  • Esiximos ademais que transitoriamente e ata a trasposición á lei galega, a Xunta aplique de xeito inmediato o mínimo o establecido para o Estado pois se non isto pódese dilatar no tempo e o RD-l faculta ás Administracións a establecer os días, sen que obrigue a facelo por lei.
  • En canto ao período de desfrute sinalamos que poida facerse ata abril, o cal beneficiaría a empregados/as públicos/as e á Administración.

Curiosamente a Xunta de Galiza non trae ningunha proposta e a próxima semana daranola por escrito.

Despois de sinalar que o RD-l establece o carácter potestativo de devolver os días, polo que a Administración podería non devolvelos ou devolver menos días que no Estado, se nos da a entender que probablemente a proposta sexa similar á establecida para o Estado, que haberá un período de desfrute amplo, que admiten a posibilidade sinalada pola CIG de facer a aplicación antes de ningunha modificación lexislativa, e que pensan que isto se pode pechar en outubro.

En relación á devolución do 26,23% da paga extra de decembro de 2012 comunícanos que adiantan a devolución para incluíla na nómina de outubro e que sacarán unha resolución para o persoal que non está en activo.

Non dubidamos que estas medidas que suavizan os recortes antes de períodos electorais, vanse aplicar, como mínimo de xeito similar, pois o propio PP é capaz de entender que de non ser así, a situación de agravío produciría un efecto contrario ao que pretenden que teña esta medida, que é facernos ver que as cousas van a mellor e que respetan os dereitos das persoas empregadas públicas.